తెలుగులోనే ఎందుకు?

మన ఆంధ్రప్రదేశ్ లో ప్రస్తుతం చదువుకొనే పిల్లల్లో, 78శాతం పిల్లలు తెలుగు మీడియంలో చదువుతున్నారు, వచ్చే 10సంవత్సరాలలో ఈ సంఖ్య మహా అంటే 50శాతానికి తగ్గుతుందని అంచనా. కావున వచ్చే 20సంవత్సరాలలో తెలుగు మీడియంలో చదివినవారు ఇంగ్లీషు మీడియం చదివినవారికన్నా ఎక్కువగానే ఉంటారని, వారికి కంప్యూటర్ వాడటానికి ఇంగ్లీషు ఆటంకం కాకూడదని, వారి అనుమానాలకూ మరియు అపోహలకూ తెలుగులో పరిష్కారం దొరికేలా చూడటం కొరకు చేసే ప్రయత్నమే ఈ బ్లాగును తెలుగులో వ్రాయటానికి గల కారణం.

అంతే కాకుండా మాతృ భాష తెలుగు ఐన వారికి ఎంత ఇంగ్లీషు వాడుతున్నప్పటికీ, చాలా విషయాలు తెలుగులోనే సులభంగా అర్థం అవుతాయన్నది వాస్తవం.

“వాన చినుకు చిన్నదే అయినప్పటికీ దానికోసం ఎదురు చూసే మర్రి విత్తనం ఎక్కడో ఉండే ఉంటుందని నా నమ్మకం”