లాప్టాపులను ఇప్పుడు చాలా కంపెనీలు తక్కువ ధరకే అందిస్తున్నాయి. కానీ మన అవసరాన్ని పరిమితిని బట్టి కింద తెలిపిన వాటి నుండి ఒకటి మీరే ఎంచుకోవచ్చు.
- డెబ్బై వేలకు పై చిలుకు పెట్టాలనుకుంటే ఆపల్ (APPLE) కొనొచ్చు..
- యాభై నుండి డెబ్బై వేల వరకు ఐతే సోనీ(SONY) వారు ప్రవేశపెట్టిన వయో (VAIO) కొనవచ్చు
- నలభై నుండి అరవై వేల వరకూ ఐతే డెల్ (DELL) మరియు హెచ్ పి (HP) వారు అందిస్తున్న లాప్ టాప్లు బాగుంటాయి.
- కాంప్యాక్ మరియు డెల్ కంపెనీలు ముప్ఫై ఐదు వేల లో కూడా అందిస్తున్నాయి.
సారాంశం :
చాలా మందికి డెల్(DELL) ఉత్తమమైనది. ఇది ముప్పై వేల నుండి డెబ్భై వేల మధ్య వివిధ రకములలో లభిస్తుంది. కానీ మీ యొక్క పరిమితిని మరియు అవసరాన్ని బట్టి పైన తెలిపిన వాటిలో ఏదైననూ కోనవచ్చు.
కాన్ఫిగరేషన్ :
- ర్యామ్ : తక్కువ లో తక్కువ అంటే 512MB, 2GB కన్నా ఎక్కువ సామాన్యంగా అవసరం ఉండదు.
- ప్రోసెసర్ : కోర్ 2 డ్యయో(Core2Duo) ఐనా లేక డ్యూయల్ కోర్(Dual Core) ఐనా క్లాక్ స్పీడ్(Clock Speed) 2GHz ఉండటం మంచిదే.
- గ్ర్యాఫిక్స్ కార్డ్ : మీరు ఎక్కువగా గేమ్స్ ఆడేవారైతే ఇది అవసరం. ఒక వేళ కొనదలుచుకుంటే nVidia మంచిది.
- హార్డ్ డ్రైవ్ : చాలా మందికి 160GB లేదా 250GB సరిపోతుంది.
- కెమెరా : కొత్తలో కొన్న ముచ్చటే కానీ ఇది అవసరం రాదు.
